Prej kohësh është bërë e ditur se këngëtari i njohur Art Abazi është në një lidhje dashurie. Një vajzë nga Tirana i ka marrë zemrën djalit nga Prishtina, i cili kohë pas kohe ndan momente edhe nga kjo pjesë e jetës private.

Pushimet me të dashurën, aventurat në natyrë e netët plot me muzikë janë vetëm disa prej pikave që ai ndan me ndjekësit. Por, nëse deri vonë është mjaftuar me një imazh më diskret të të dashurës, sot, Abazi ka publikuar një fotografi të qartë të tij me vajzën që i ka marrë zemrën, shkruan Prive. Kujtojmë se në planin profesional, Arti shumë shpejt sjell këngën e re në të cilën ka mysafir të ftuar reperin MC Kresha.