Përtej suksesit të madh, festivali i “Kënga Magjike” shoqërohet edhe me incidente të vogla apo qejfmbetje mes artistësh. Kur këtë e pranon edhe vetë Ardit Gjebrea absolutisht që merr akoma edhe më shumë kuptim. Në një intervistë të dhënë për “Thumb” nga Aulona dhe Fatma këtë të shtunë, Arditi është shprehur se i ka ndodhur që edhe të ketë prishur marrëdhëniet me disa këngëtarë për shkak të pjesëmarrjes apo votimeve në festival. “Unë nuk jam menaxher, unë jam artist. Dhe unë artistët i trajtoj si do të doja të më trajtonin ata mua. Si do të doja unë të më bënin koncert. Padiskutim që ka patur krisje. Ka patur dhe kam qenë shumë i keqardhu, sepse nuk jam mirëkuptuar. Nuk ndikoj dot në votat e këngëtarëve. Në moment që një artist i mirë më sjell një këngë që nuk është në nivelin e duhur unë instistoj dhe i them mos u fut në festival. Ka nga ata që më kanë falenderuar, ka nga ata që mendojnë se unë nuk kam dashur të futen në festival se mund të rrezikonin ndonjë mik timin. Ka patur edhe raste me miqtë e mi dhe u kam thënë edhe që shpesh ta rregullojmë këngën”, ka thënë Arditi./Prive