Arben Ahmetaj shpallet në kërkim ndërkombëtar, pasi policia nuk e ka gjetur në banesë gjatë kontrolleve.

Policia ka informuar SPAK përmes një shkrese se Ahmetaj nuk është gjetur në banesë, dhe mandej Prokuroria e Posaçme i ka bërë kërkesë Interpol për shpalljen e ish-zv.kryeministrit në kërkim ndërkombëtar.

Ahmetaj dyshohet për veprat penale të shpërdorimit të detyrës, korrupsionit, fshehje të pasurisë si pastrim parash.

Avokatët mbrojtës të Ahmetajt pretendojnë se deputeti socialist ndodhet në Britaninë e Madhe, dhe mbetet për t’u parë nëse ai do të nisë ndonjë procesurë për të kërkuar azil, dhe për të shmangur përballjen me drejtësinë.

Ishte SPAK që i kërkoi fillimisht në datën 7 Korrik Kuvendit, autorizimin për arrestimin e Ahmetajt dhe kontrollin e banesave të tij. Një javë më vonë Kuvendi edhe me votat e socialistëve dhe miratimin, e duke qënë se policia nuk ka gjetur në banesë Ahmetajn, procedura e do që ai të shpallet në kërkim ndërkombëtar.