Këngëtarja Anxhela Peristeri, ka postuar një foto pa filtra nga plazhi me diçiturën “Relax”. Edhe pse në këtë pozë shihet tek ekspozon gjoksin bombastik, në fakt vëmendjen e tërheqin qukat e shumta në fytyrën e saj, të cilat i zbulon ndoshta për herë të parë. Në fotot skenike make up-i ia mbulon mirë, aq sa nuk e kishim imagjinuar se këngëtarja 32-vjeçare do të kishte një fytyrë të mbushur me quka natyrale. “Dukesh shumë ndryshe” e komentojnë ndjekësit, duke pasur parasysh fotot e saj artistike. Kujtojmë që qukat janë një ndër trendet më të çuditshme të vitit të kaluar, që mesa duket vazhdojnë të pëlqehen edhe këtë verë.. E përpara se të mundoheni t’i fshihni apo të dëshironit të mos i kishit, mësoni më poshtë se çfarë keni të veçantë ju, njerëzit me quka. Të cilësuara në gjuhën mjekësore “ephelide”, qukat janë të trashëguara gjenetikisht. Në të vërtetë qukat janë një mutacion i gjenit MC1R, i cili rregullon pigmentin. Këto të fundit zhvillohen me kalimin e viteve, ndaj deri më tani nuk është regjistruar as një bebe e lindur me quka. Qukat mund të shumëfishohen gjatë ekspozimit tuaj në diell, ndaj është mirë të përdorni gjithmonë krem kundra diellit./Story.al/