Ajo është një ndër artistet tepër aktive në tregun muzikor shqiptar por këtë sezon veror, Anxhela Peristeri mungoi me projektet e saj dhe kjo paska qenë e qëllimshme. Pavarësisht se gjatë verës nuk publikoi asnjë projekt të ri, vetëm një javë më parë këngëtarja e dashur e publikut shqiptar ka publikuar prurjen e re, e cila ka rezultuar tepër e pëlqyer. Falë votave nga ana e publikut, kënga e re e titulluar “Shpirti ma di”, është futur që në javën e parë në klasifikimin e 100 këngëve më të bukura të muzikës moderne, duke zënë vendin e 73-të. Në një intervistë të dhënë për “Top Awards”, Anxhela ka folur më shumë për projektin e saj më të ri muzikor dhe për planet që ka në të ardhmen.

Kanë kaluar 4 muaj nga projekti juaj i fundi muzikor, mendon se duhet të kishit publikuar diçka më herët për fansat?

Mungesa ime në tregun muzikor ishte e qëllimshme duke qënë se jam në pritje të koncertit tim të parë recital. Mendova se duhet të bëja një pauzë të shkurtër duke qënë se përvec dy këngëve të reja që do vinin tani në shtator, tetor do të sillet e gjithë diskografia ime e riorkestruar!

E bukur por njëkohësisht e trishtueshme, si lindi ideja për “Shpirti ma di”?

Ishte një tekst që krijova në çast mbi muzikën e Kledi Bahitit. Nuk e di por në atë moment pata atë lloj frymëzimi duke menduar se sa e rëndësishme është koha dhe sa vone njerëzit kuptojnë vlerat e vërteta.

Cila është fraza që të pëlqen më shumë në tekstin e kësaj kënge?

Do përgjërohesh e do mundohesh të më bësh për vete ti… S’do të pranoj se shpirti ma di.

Ke menduar ta shoqërosh me videoklip këtë projekt muzikor?

Jo, projekti do të jetë pa klip derisa të shoqërohet me klipin “live” nga recitali im.

“Ilac i plagëve tona në dashuri” thuhet në një koment, e kishe pritur këtë reagim nga ana e publikut?

Më bëhet shumë qejfi kur lexoj komente të tilla. Kjo do të thotë që tekstet e mia depërtojnë në shpirtin e njerëzve dhe më bën të lumtur ky fakt. Unë personalisht cdo gjë e bëj me shpirt, kështu që po i pres këto lloj komentesh.

Lundron në rryma të ndryshme muzikore, por duam të dimë Anxhela ku e gjen më shumë veten?

Sigurisht tek muzika e lehtë. Vecanërisht baladat janë shumë të dashura për mua.

Përmes një postimi në Instagram ke zbuluar koncertin tënd recital në muajin nëntor, a mund të dime dicka më shumë prë këtë?

Është një bashkëpunim me kompanine “Connext” por detajet do më pëlqente t’i lija surprizë…

Futesh për herë të parë në klasifikimin e “The Top List”, çdo të thotë kjo për ju?

Eshtë kënaqësi e veçantë. Kjo do të thotë që kënga është vërtet e bukur… (Qesh). Ju falenderoj nga zemra!