Kur jeni beqar dhe ndoshta të zhgënjyer nga çdo njohje e re, është e natyrshme të pyesni veten: “Çfarë do ndodhë me mua?”. Nëse ndjeni se këto mendime po bëhen shqetësuese, ka disa gjëra që duhet të keni parasysh:

Shihni më vëmendje çfarë mendimi keni për të qenit beqar

Ju nuk duhet me patjetër ta doni faktin që jeni single, por kjo nuk do të thotë as që ta urreni atë. Përpiquni të largoheni nga ideja e ngulitur në kokë se “të qenit beqar do të thotë se po dështon”, ndërsa “të jesh në lidhje të bën fitues”.

Nëse kjo është shumë e vështirë, provoni të ekzaminoni arsyen pse jeni beqarë dhe shikoni nëse është me të vërtetë e domosdoshme tani që të jeni në një lidhje. A jeni duke u rikuperuar një marrëdhënie toksike? A po zgjidhni të përqendroheni në diçka tjetër? Apo jeni thjesht të bllokuar në shtëpi për shkak të pandemisë? Nëse mund të gjeni dhe zotëroni arsyen pse jeni beqarë, kjo do të ndihmojë në uljen e presionit që ndjeni për të gjetur dashurinë.

Rezistojini dëshirës për t’u krahasuar me të tjerët

Mund të ndjeni shenja antkhi sa herë që ndiheni sikur nuk po i përmbushni qëllimet tuaja. Alexandra Emery, një psikoterapiste e licensuar thotë se “shumë njerëz e trajtojnë martesën si moment historik të jetës dhe nëse nuk e kanë arritur atë moment, iu duket sikur po ngelen pas”.

E megjithatë, përkundër asaj që të gjithë mendojnë për afatet kohore dhe momentet historike, “nuk ka asnjë mënyrë të drejtë për ta bërë jetën”, thotë Emery. Në momentin që ndjeni se po përfshiheni në një vorbull krahasimi, ripërqendroni mendimet tuaja dhe kthehuni tek e tashmja. Merrni frymë thellë dhe nëse mundeni, flisni me dikë.

Përqendrohuni tek gjërat që ju bëjnë të lumtur

Nëse të duket sikur po i kushton shumë rëndësi dashurisë romantike, drejtoje atë energji te miqtë, familja dhe vetja jote. Përqendrimi te këto marrëdhënie do t’ju ndihmojë më shumë nga ç’mendoni. Ju githashtu mund të ndiqni një hobi, punë vullnetare etj.

Sa më shpesh të largoheni nga ideja se jeni një gjysmë, në pritje për t’u bërë e plotë, aq më të plotë do të ndiheni me veten, sepse në fund të fundit, të tillë jeni!

Burimi: Bustle

Anabelmagazine