![](https://story.al/wp-content/uploads/2024/05/Ca-1-3.jpg)
“Albania”, publikohet kënga që do shoqërojë kombëtaren në Kampionatin Evropian, Gjermani 2024
Është publikuar të enjten pasdite kënga zyrtare që do të shoqërojë Kombëtaren e Shqipërisë në Kampionatin Evropian, Gjermani 2024, që fillon me 14 qershor.
Kënga titullohet “Albania” dhe këndohet nga këngëtari i mirënjohur Capital T. Kënga do të ndjekë kombëtaren shqiptare të futbollit gjatë gjithë rrugëtimit të saj në EURO 2024.
Lajmi se kënga “ALBANIA” i është besuar Capital T u bë i ditur pak ditë më parë nga Federata Shqiptare e Futbollit.
“FSHF është e lumtur t’ju bëjë me dije se kënga zyrtare e Kombëtares shqiptare në finalet e Euro 2024 titullohet “Albania” dhe është realizuar në bashkëpunim me një nga artistët më të suksesshëm të muzikës shqiptare & më të pëlqyer, Capital T. Një këngë që përfaqëson më së miri identitetin tonë kombëtar e që do të udhëheqë kuqezinjtë tanë në çdo moment përgjatë kësaj aventure të paharrueshme në finalet e Kampionatit Evropian “Gjermani 2024. Ky bashkëpunim unik përfaqëson fuqinë e bashkimit dhe pasionit, që na karakterizon të gjithë si shqiptarë. Le të festojmë së bashku këtë moment historik & të mbështesim ekipin tonë drejt suksesit! Forca Shqipëria!” njoftoi FSHF-ja në faqen zyrtare.
/rtsh.al/