Gjatë një interviste virtuale me ndjekësit në “Instagram”, moderator Alaudini Hamiti ka zbuluar më shumë detaje nga jeta personale. Ai u pyet se cilia ka qenë periudha më e vëshirë, por edhe më e lumtur në jetë.

“Profesionalisht, kaloj nëpër periudha me pengesa, gjatë gjithë karrierës sime më është dashur të punoj trefish dhe të të depërtoj, por gjithnjë duke e mbrojtur veten dhe atë që jam pa u tjetërsuar sipas dëshirave të tjerëve. Kjo ka shkaktuar periudha të vështira por edhe të bukura. Personalisht disa vite më parë kam kaluar periudhë të rëndë duke humbur vullnetin dhe fokusin në atë se çfarë është e rëndësishme për mua. Një moment tjetër i rëndë ishte kur kuptova që kam Diabetin. Gjithsesi periudhat e bukura janë konstante në mesin e këtyre që nga vështirësojnë jetën”, ka shkruar ai.