Eriselda Shllaku ka qenë një nga personazhet kryesore gjatë viteve 2000 në ekranet tona si aktore, moderatore dhe madje si modele. Atë e kemi parë shpesh në reole kryesore, por edhe episodike në shumë nga komeditë shqiptare të viteve 2000.

Vitet e fundit, Eriseldën e kemi parë shpesh me role në “Portokalli”, ku ka qenë shumë herë e ftuar, por edhe në “Al Pazar”, ku për një periudhë kohë ka qenë pjesë e kastit të aktorëve të këtij spektakli humori.

E ftuar sot në “ABC e Mëngjesit”, Eriselda ka folur për të gjithë karrierën e saj ndër vite, duke u ndalur edhe në raste të veçanta. Ajo zbuloi se Agron Llakaj e ka hequr nga ‘Al’Pazar’ pa paralajmërim më herët. Sipas tij, arsyeja ishte mungesa e fondeve, por aktores nuk i është dukur arsye e mjaftueshme.

“Unë me Gonin kam pasur gjithmonë marrëdhënie korrekte pune, shumë të mira. Nga ana e Gonit më është dukur vetja e vlerësuar për sa kohë kam qenë aty dhe për mënyrën e komunikimit dhe për të gjitha.

Pastaj një ditë të bukur kur nisi sezoni tjetër, do vazhdonte edhe nja dy muaj edhe pak, Goni mori vendimin për mungesë fondesh e gjeti preteksin. Por në momentin kur erdhi përballja për mungesë fondesh, nuk e di pse më ra lapsi mua”, tregon Eriselda.

Gjithashtu, ajo tregoi përpjekjet e saj të vazhdueshme për të qenë pjesë e përhershme e grupit të “Portokallisë”, duke dërguar edhe skenarët e saj, por nuk e di ende arsyen pse nuk u bë realitet dot një gjë e tillë.