Mbrëmjen e djeshme, emisioni “Soiree” riktheu në ekran emrat më të dashur për fëmijët.

Artemisa Mithi, Herion Mustafaraj [Beni Ecën Vetë], Donald Kokona [Taulanti kërkon një motër], Manjola Begolli [Rudina e 2 Herë Mat] e të tjerë ishin disa nga të ftuarit e kësaj mbrëmjeje.

Ish-aktori Donald Kokona, i njohur për rolin e tij në “Taulanti kërkon një motër”, zbuloi për herë të parë se kolegun e tij Sokol Gjoshin, i cili po ashtu është i njohur për rolin në “Fillim i vështirë”, e kishte inat pa e njohur.

“Ja unë po e them, Sokolin e kam pasur inat edhe pse nuk e kam takuar kurrë. Sepse nuk fitova një kinoprovë që e fitoi ai!”, tha Donaldi, e cili më pas rrëfeu se ka kaluar shumë kohë që prej asaj kohë.