Agron Llakaj rrëfen “hallin” e tij: Prej kohësh laj borxhet e banorëve të Memaliaj

Janë të shumtë personazhet e showbiz-it, të cilët zgjedhin të ndihmojnë familjet në nevojë pa bërë publike bamirësitë e tyre. I tillë është edhe rasti i aktorit të humorit Agron Llakaj, i cili çdo fundvit shkon në vendlindjen e tij Memaliaj, dhe paguan borxhet e banorëve atje. Ky informacion është bërë i ditur sot në emisionin radiofonik “Chaud Patate”. Llakaj ka rrëfyer i prekur në një nga intervistat e tij se është shumë i lidhur me vendlindjen dhe sa herë që rikthehet ndihet nostalgjik. Sipas revistës “Who”, pjesë e kauzës së tij të bamirësisë herë pas here bëhet miku dhe ish-portieri i Kombëtares së futbollit, Foto Strakosha, i cili gjithashtu ka lindur në këtë qytet. Agron Llakaj pritet të rikthehet në ekran këtë të shtunë pasi do të startojë sezoni i ri televiziv i “Al Pazar”.