Këngëtarja ukrainase Ruslana hyri sërish në Instagram dhe vuri në dukje ngjarjet në vendin e saj përmes disa videove, kërkoi mbrojtje nga presidenti amerikan dhe pyeti nëse bota dëshironte një përsëritje të Çernobilit.

Shumë e kujtojnë këngëtaren Ruslana si fituese të Eurovision Song Contest në vitin 2004, dhe sot jeta e saj, si jeta e çdo ukrainase tjetër, ka pësuar një ndryshim të plotë.

Gjatë lidhjes me Topika, që transmetohet në TVMnews +, Ruslana tha se aktualisht ndodhet në Karpate, ku organizon punë vullnetare, duke përfshirë edhe përgatitjen e ushqimit për njerëzit.

Gjithashtu, këngëtarja rregullisht xhiron video në të cilat tërheq vëmendjen për atë që po ndodh në vendin e saj dhe në një nga ato të fundit të publikuara, ka thënë se i kërkon Bidenit dhe NATO-s të mbrojnë qiellin e tyre.

“Si ambasadore e vendit tim, si fituese e Eurovisionit, tani flas në emër të të gjithë popullit tim. Ne i kërkojmë Presidentit Joe Biden dhe Sekretarit të Përgjithshëm të NATO-s, Jens Stoltenberg të mbrojnë qiejt tanë.

“Ushtria ukrainase do të mbrojë Evropën nëse na mbroni. Merrni një vendim për sigurinë e gjithë botës”, tha ajo. Në një postim në Instagram, ajo gjithashtu bëri thirrje për bllokimin e kolonave të pajisjeve ruse që mbërrijnë dhe tha: “Ne nuk do të lejojmë pushtuesit e Putinit të sjellin pajisje në qytetet tona dhe t’i ndërpresin ato”.

Në përshkrimin e njërës prej videove, ajo pyeti nëse njerëzit dëshironin një tjetër situate, duke theksuar se të gjithë do të vdis nin nëse raketa e Putinit godiste Çernobilin.

“A e doni Çernobilin 2? Askush nuk flet për të, por ne duhet të bërtasim. A e kuptoni se çfarë është Çernobili 2? Veproni para se të jetë tepër vonë”, tha këngëtarja. /Telegrafi/