Megan Fox iu drejtua rrjeteve sociale për të festuar me krenari biseksualitetin e saj.

“Vendosja e B në #LGBTQIA për më shumë se dy dekada”, mbishkroi Fox një foto të saj me thonjtë në ngjyrat e ylberit, duke treguar me krenari se është biseksuale.

Aktorja konfirmoi se është biseksuale në maj të vitit 2009.

“Unë mendoj se njerëzit kanë lindur biseksual dhe ata bëjnë zgjedhje nënndërgjegjeshme bazuar në presionet e shoqërisë,” –u shpreh ajo gjatë një interviste me Esquire në atë kohë. “Unë nuk kam asnjë pyetje në mendjen time për faktin që jam biseksuale.”

Fox sqaroi në atë kohë se ajo ndihej e sigurt duke iu referuar vetes si ‘bi’ dhe madje la të kuptohej se i pëlqente një vajzë e famshme.

“Unë nuk jam lezbike. Thjesht mendoj se të gjithë njerëzit kanë lindur me aftësinë për t’u tërhequr nga të dyja gjinitë. Dua të them, unë mund ta shoh veten në një marrëdhënie me një vajzë. Olivia Wilde është kaq seksi,” shtoi ajo.

Fox u martua me Brian Austin Green në vitin 2010 dhe ata kanë bashkë djemtë Noah, 8 vjeç, Bodhi, 7 vjeç dhe Journey, 4. Dyshja u nda pas gati 10 vitesh së bashku. Në qershor të vitit 2020, ajo konfirmoi se ishte lidhur me reperin Machine Gun Kelly.