Kidda është padyshim një nga artistët më të suksesshëm të momentit në tregun muzikor shqiptar, me hite si “Loca” apo “Malli” që janë kthyer në të preferuarat e publikut brenda një kohe të shkurtër.

Reperi ishte i ftuar dje në emision “Pardon My French”, në Top Albania Radio”, ku në një intervistë ndryshe nga të tjerat, rrëfeu detaje nga jeta e tij personale dhe karriera. Ndër të tjera Kidda u pyet në lidhje me marrëdhëniet e tij me vajzat, më saktësisht:

“Që të jemi të qartë, vajzat duhet t`i marri “Malli” se je i zënë apo të jenë “Loca” se je single?”

Pyetje së cilës reperi i dha një përgjigje jo fort të qartë si: “Të dyja”, me humor sigurisht. Ndërkohë ai u shpreh se ka pasur gjithnjë sukses me vajzat, por që natyrisht fama dhe fakti që tani është një kënëgtar i njohur e ka ndihmuar në këtë aspekt.

Nga ana tjetër ai zbuloi se kënga “Malli”, pavarësisht se flet për një histori dashurie, nuk i dedikohet një vajze speciale, por është i frymëzuar nga historitë që mund t`i ndodhin të gjithë njerëzve. Ndërkohë për të lexuar surprizën që Kidda ka rezervuar për vitin 2021, klikoni këtu.

/News31