Pesë papagaj gri janë ndarë nga njëri-tjetri, pasi kanë mësuar të shajnë njëkohësisht vizitorët në një kopsht zoologjik.

Sipas “The Guardian”, papagajtë, të quajtur Billy, Elsie, Eric, Jade dhe Tyson, u bashkuan me 200 papagaj të tjerë gri në parkun “Lincolnshire Wildlife”, në muajin gusht. Por më vonë, ata filluan të inkurajojnë njëri-tjetrin të betohen se nuk kanë sharë apo përdorur fjalë të pista.

“Ne e vumë re këtë shumë shpejt! Jemi mësuar të dëgjojmë papagaj që shajnë, por kurrë nuk kemi pasur pesë të tillë në të njëjtën kohë,”– i tha “PA-së” Steve Nichols, CEO i parkut të jetës së egër.

Papagajtë janë shpërndarë në zona të ndryshme të parkut në mënyrë që të mos “ndjekin njëri-tjetrin”.

Askush nuk ishte ankuar për ta, tha Nichols, por ishin ndarë për hir të vizitorëve të vegjël në moshë.

“Njerëzit kanë ardhur tek ne dhe mendojnë se kjo është shumë zbavitëse. Nuk kemi pasur asnjë ankesë,”– tha ai.

Parku është gjithashtu shtëpia e papagallit Chico, i cili ishte kryefjala e lajmeve në shtator, pasi mësoi të këndonte një sërë këngësh pop, duke përfshirë “If I Were a Boy” (Po të isha një djalë), të Beyoncé .