Portieri i Kombëtares Shqiptare, Thomas Strakosha, ka zbuluar imazhin e vajzës që ia ka vjedhur zemrën. Përmes disa postimeve në Instastory, Tomasi ka ndarë disa momente shumë të bukura me të dashurën e tij, Esther Adijoa Asiedu.

Strakosha e ndjek Esther-in në rrjetet sociale, por kjo ishte hera e parë që e prezanton si të dashurën e tij.

Esther-i është modele dhe jeton në Londër. Mesa duket porteri i talentuar dhe bukuroshja kaçurrelse po jetojnë një romancë në distancë.

Çifti po i kalon pushimet së bashku dhe këtë e kanë zbuluar mikeshat e Esther-it, të cilat kanë ndarë disa momente të veçanta.

Strakosha jeton prej vitesh në Romë, ku ka ndërtuar karrierën e tij si portier te Lazio. Ai gjithmonë ka qenë i rezervuar rreth jetës private dhe kujtojmë se në media është përfolur një lidhje e mundshme me Kejvina Kthjella, por të dy e kanë mohuar këtë fakt./R.P/dritare.net