Kanye West ka pohuar se është përpjekur që të ndahet nga bashkëshortja e tij Kim Kardashian.

Reperi 43-vjeçar bëri deklaratën në një postim në Twitter që tashmë është fshirë.

“Jam përpjekur të divorcohem me Kim që kur u takua me Meek në Warldolf për “reformën e burgut”,”- shkroi reperi.

Kanye West iu referua kohës kur bashkëshortja e tij dhe reperi Meek Mill folën në një samit për reformën në drejtësinë penale në Los Angeles në nëntor 2018.

Postimet e këngëtarit me famë botërore erdhën disa ditë pasi dha fjalimin e tij të parë në një fushatë presidenciale.

43-vjeçari, i cili ka katër fëmijë me Kim Kardashian, e quajti “Kris Jong-Un” vjehrrën e tij Kris Jenner.

Gjithashtu përsëriti pretendimin se bashkëshortja dhe vjehrra e tij tentuan ta fusnin në një spital psikiatrik pas fjalimit të tij të gjatë para një publiku në North Charleston, Karolina e Jugut të dielën.

Fituesi 21 herë i Çmimit Grammy njoftoi se do kandidonte për president në fillim të këtij muaji.