“Sanem” dhe “Xhan”, dy protagonistët e serialit shumë të ndjekur “Një puthje në errësirë”, gjatë xhirimeve u përfolën për një lidhje.

Çifti madje u fotografuan së bashku shpeshherë, por fillimisht e mohonin se po jetonin një romancë.

Megjithatë më vonë aktori Can Yaman pranoi publikisht se me Demet Ozdemir ka patur një romancë të shkurtër dhe lidhja e tyre përfundoi shpejt.

Teksa mendonim se ata kanë ruajtur një marrëdhënie të mirë pas ndarjes, në fakt paska ndodhur e kundërta. Një deklaratë e bërë nga Can Yaman, e ka prekur Demetin e cila i ka kthyer përgjigje publikisht. Can Yamam është shprehur se nuk e ka menduar kurrë ta ketë të dashur Demetin duke i habitur të gjithë me këtë deklaratë sepse vetëm pak kohë më parë ai e pranoi lidhjen.

“Unë s’e kam menduar kurrë Demetin si një femër që mund ta dashuroj. Ajo është thjesht një mikeshë dhe kështu do mbetet. E kam ekzagjeruar kur kam folur për të. Mbase ajo më ka pëlqyer mua, por unë jo. Ajo mbetet e mrekullueshme dhe një vajzë e bukur, por nuk ka karakteristikat e vajzës së ëndrrave të mia”-ka thënë Can Yaman.

“Unë e kuptoj që shumë femra bien në dashuri me mua, por nuk është faji im”-shtoi aktori. Demet Ozdemir ia ktheu duke u shprehur: “Disa njerëz egoist e kanë zakon të mohojnë faktet. Ndonjëherë pyes veten mos kanë probleme psikologjike! Unë nuk i kërkoj askujt të më dashurojë, por të paktën ji i sinqertë para të tjerëve!”

Kujtojmë që seriali “Një puthje në errësirë”, ku aktorët ishin në role kryesore, pati sukses të jashtëzakonshëm në Turqi.

revistawho.com