Lauren Goodger është kritikuar nga punonjësit e Shërbimit Kombëtar të Shëndetit për kundërshtimin e urdhrave të qeverisë për të qëndruar në shtëpi dhe për përdorimin e koronavirusit për deklarata mode ndërsa bota është izoluar nga pandemia.

Ylli i televizioneve u kritikua nga punonjësit e shërbimit shëndetësore pasi publikoi një foto të saj me maskë në fytyrë ndërsa kishte thyer urdhërin për të qëndruar në shtëpi dhe kishte dalë në rrugët e Buckhurst Hill.

Gjithashtu edhe ndjekësit e 33-vjeçarjes e sulmuan duke e quajtur një egoiste pasi nuk dëgjoi urdhrat e qeverisë për të qëndruar brenda dhe për të praktikuar distancën sociale.

“Je egoiste. A nuk mendove përpara se ta postoje këtë? Unë punoj për NHS. Njerëzit po vdesin. Të lutem fshije dhe qëndroni brenda,”– shkroi një ndjekës.

Lauren u përgjigj se po shkonte në sallonin e saj të bukurisë dhe do vazhdoj ta bëjë këtë derisa qeveria të bëjë thirrje për mbylljen e tyre.