Madonna iu është bashkuar personazheve të famshme që kanë dhënë mesazheve sensibilizimi për koronavirusin.

E zhveshur, në një vaskë të mbushur me petale trëndafili, këngëtarja u tha fansave se koronavirusi nuk bën diferencime, por i prek të gjithë.

Në videon e publikuar, Madonna ndau mendimin e saj mbi pandeminë globale, e cila ka vrarë më shumë se 14,700 njerëz në të gjithë botën.

“Ky është COVID-19”- tha ajo, ndërsa në sfond dëgjohet muzikë: “Nuk ka rëndësi sa i pasur je, sa i famshëm, sa i zgjuar j, ku jeton dhe sa vjeç je.”

Më pas ylli 61-vjeçar i popit theksoi: “Ajo që është e tmerrshme dhe e mahnitëshme është se na bën të gjithëve të barabartë. Të gjithë jemi në të njëjtën anije. Nëse anija mbytet, të gjithë mbytemi së bashku.”

https://www.instagram.com/p/B-Cno80hNub/?utm_source=ig_embed

Këngëtarja tregoi se është izoluar në shtëpi dhe u bëri thirrje fansave të qëndrojnë të sigurtë.