Një incident i paprecedentë dhe i turpshëm ka ndodhur në futbollin amator në Francë, aty ku një futbollist kafshoi kundërshtarin në organin gjenital dhe e ka detyruar atë të bëjë 10 qepje. Dënimi ishte 5 vjet skualifikim për lojtarin agresor.

Siç raportojnë mediat lokale të Lorraine, ky incidenti i turpshëm ka ndodhur në 17 nëntor të vitit që lamë pas. Futbollisti i skuadrës së Terville nisi një sherr me kundërshtarin e tij, i cili ishte pjesë e Soetrich.

Një ndër lojtarët më të qetë, u mundua të hynte në mes dhe të sheshonte keqkuptimet, por ai e pësoi më keq. Futbollisti i Terville e ka kafshuar atë në organin gjenital, duke i shkaktuar një plagë aq të rëndë sa u deshën 10 qepje dhe katër ditë leje nga puna, për t’u rikuperuar.

Ngjarje e padëgjuar ndonjëherë që tashmë është bërë publike dhe nga mediat e huaja.

/PANORAMASPORT.AL/