Robert Berisha dhe Nora Istrefi prej disa muajsh i dhanë fund lidhjes së tyre dhe gjithmonë është aluduar për një rikthim të mundshëm mes çiftit të njohur, por mesa duket nuk ka më shpresa.

Për të gjithë adhuruesit e çiftit, Robert Berisha e tha prerë se nuk do të ketë më një rikthim me Norën.I ftuar në “E Diell”, Robert Berisha nuk mund të mos pyetej dhe për një rikthim me ish-bashkëshorten e tij, Nora Istrefi, me të cilën patën një histori të gjatë dashurie.

“A do një rikthim me Norën?”– ishte pyetja e moderatorëve dhe Robert Berisha nuk la alternativë të dytë, por foli troç: “Jo”, duke na lënë të kuptojmë se ata do vazhdojnë të mbeten miq të mirë. Robert Berisha dhe Nora Istrefi i dhanë fund lidhjes së tyre disa muaj më parë.

Ishte këngëtari Berisha ai që nëpërmjet një deklarate në rrjete sociale ka rrëfyer se me Nora Istrefin do të mbeten miq të mirë, por martesa e tyre ka marrë fund. Robert Berisha publikisht deklaroi:

Nora të kam borxh jetën… Që prej asaj kohe është aluduar për rikthime të mundshme të çiftit, por të dy kanë treguar qartazi, që ata thjesht ruajnë një miqësi dhe komunikim të mirë, për hir të vajzës së tyre Renee.