Tërmeti i fundit i ores 21.15 të së martës me magnitude 4.9 i shkalles rihter, me thellesi 7 km dhe epiqender ne fshatin Bubq, ka ngritur edhe njëherë pikpyetjet për të ardhmen. Ai u parapri nga i orëve të para të mëngjesit të së dielës me magnitudë 3.8 dhe nga një sërë ngjarjesh sizmike në rajon si ato në Turqi dhe Greqi që ndihmuan në ushqimin e psikozës së frikës pas tërmeteve të fund shtatorit dhe fund nëntorit.

Lexo më tej:

VIDEO/ Tërmeti shkund Ora News, shikoni reagimin e Sonila Meços

Pyetja që tani shtrojnë të gjithë është: A do të ketë goditje më të fortë dhe shkatërruese?

Këtyre pandehmave i shtohen edhe ato të shkenctarëve dhe qeveritarëve grekë që pavarësisht nga besimi i shkenctarëve se tërmetet nuk parashikohen po marrin masa për një goditje mbi 7.5 ballë në Stamboll që do të ndihet në të gjithë Ballkanin.

Tërmeti, shihni çfarë i ndodh Sokol Ballës live në emision (VIDEO)

Edhe në këtë pikë mendimet e sizmmiologëve shqiptarë divergjojnë. Sipas disave të gjitha goditjet e tanishme s’janë asgjë më tepër se pasardhëse të asaj të fortës së 26 nëntorit. Sipas Llambro Dunit “Lëkundjet e fundit janë në kuadrin e pas lëkundjeve. Tërmeti i 26 nëntorit, në madhësinë që ka pasur, do të shoqërohet me pasgoditje, që do të vazhdojnë për disa muaj. Kjo e natës së kaluar është e kësaj natyre, kështu që mendoj se nuk ka vend për t’u shqetësuar. Kjo ngjarje e fortë do të pasohet me ngjarje shumë herë më të vogla, ndonjëra prej të cilave edhe do të ndihet. Jam i bindur që nuk do të ketë ngjarje me magnitudë më të lartë, do të ketë ngjarje me magnitudë më të vogël”.

Tërmeti i mëngjesit: Sizmiologu tregon se çfarë pritet

Por krejt ndryshe mendon kolegu i tij Rapo Ormëni. Pas goditjeve të Stambollit ai na paralajmëroi për të mbajtur një sy hapur se mund të hymë në një periudhë të gjatë tronditjesh sizmike: “Ne tani kemi hyrë në një periudhë me aktivitet sizmik të lartë. Këtë e tregoi tërmeti i Durrësit. Këto periudha kanë ciklet e tyre. Nëse periudha me aktivitet sizmik të ulët zgjat 40 vjet, periudha me aktivitet sizmik të lartë zgjatin 17-23 vjet” paralajmëroi ai.

Sizmologu Ormeni: Duhet mbajtur një sy hapur, Shqipëria në periudhë të lartë sizmike

Prandaj është ende e vështirë të kuptohet nëse vërtet shpëtuam njëherë e mirë nga tërmetet.

©Lapsi.al