“American Influencer Awards” për këtë vit iu dha Mario Dedivanovic, grimierit dhe njëkohësisht një prej miqve më të ngushtë të Kim Kardashian. Ishte kjo e fundit që ia dorëzoi çmimin në skenë, pasi Mario u ngjit i emocionuar dhe jo më kot.

Një video e përgatitur enkas për një ditë të veçantë si ajo, ku shiheshin familjarët e grimierit teksa rrëfenin rrugëtimin e tij drejt majave ku qëndron sot. “Mbante një kuti me make up. U përpoqëm ta ndalonim, por ai vazhdoi përpara”, ka treguar ndër të tjera, motra e Marios. Mes emocionesh e lotësh, grimieri ka bërë thirrje për shqiptarët, që të hapin sytë e zemrën, pasi sipas tij shumë fëmijë në botë rriten mes frikërash, dhimbjesh e mendimesh për vetëvrasje, vëtëm nga ankthi se familjarët nuk do t’i pranojnë duke qenë ndryshe.

“Ne s’jemi ndryshe. Jemi njësoj si gjithë të tjerët, të drejtuar nga dëshira për t’u dashur. Sot, për herë të parë qëndroj me shumë krenari si 37-vjeçar gay! Dhe në fund të ditës, ndihem i lumtur sepse jam unë!”, ka thënë Mario mes lotësh, teksa Kim i ka dhuruar një përqafim. Prej 19 vitesh karriere si artist grimi, kyt ka qenë një ndër momentet më emocionuese të Marios. /News31.al