Ylli i Hollyvood-it, Brad Pitt edhe pse 55 vjeç i la të gjithë pa fjalë me pamjen e tij, ndërsa parakaloi dy muaj më parë në tapetin e kuq gjatë Festivalit të 76-të të filmit në Venecia. Edhe pse rradha e femrave të bukura që prisnin të bënin një foto me të ishte e gjatë, ajo që ia doli vërtet ishe një zonjë shqiptare, nëna e ish-lojtarit të “Big Brother”, Toros Shahnaian.

“Fiton thjeshtësia, jo bukuria!”, tregoi Toros për “Story.al, i cili e fotografoi Brad Pitt ndërsa përqafonte nënë e tij. “Aty ishin shumë gra të bukura. Ishin vajza e zonja nga e gjithë bota që mezi prisnin të bënin një selfie me Pitt. Dhe unë si strateg pozicionesh ndodhi që u rastisëm në një korridor me Brad. ”Mamaja ime bërtiti: “Bradddd! Dhe ai u përgjigj me shumë mirësjellje: Ej Mammm! Dhe pastaj ndodhi që bëmë këto super foto, për të cilat shumë mikesha të mia më kanë shkruar se ndjehen shumë xheloze”, tregoi ndër të tjera Toros për Story.al.

Nënë e bir jetojnë në Venecia, dhe Toros prej vitesh ka akses për të ndjekur nga afër këtë festival që sjell emrat më të famshëm botërorë në qytetin e bukur të Italisë./Story.al