Dashi
Orët do kalojnë shpejt për shkak të humorit të mirë. Projekte të reja, eksperienca dhe frymëzime të papritura do të hasni këtë fundjavë. Do flisni me njerëz që keni kohë që nuk i shihni. Një udhëtim larg mund të transformojë pozitivisht jetën tuaj.

Demi
Ju duhet një pushim pas trazirave të kohëve të fundit. Priteni me kënaqësi këtë ditë në të cilën mund të shijoni pak kohë në qetësi. Pavarësisht se nuk do jetë spektakolar, fillimi i javës do t’ju sjellë reflektimin e nevojshëm.

Binjakët
Përkushtojuni financave tuaja. Përpiquni të mbani bilancin aktiv, duke shmangur shpërdorimin e kotë të parave. Në familje, gjithashtu, do ju vlerësojnë për këtë. Humori i paqëndrueshëm dhe nervat e tendosura për shkak të situatës së sotme do t’ju ndjekin gjatë fundjavës.

Gaforrja
Jeni pak të shqetësuar dhe ndoshta nuk do arrini të gjeni ritmin e duhur. Provoni t’i bëni gjërat një nga një dhe mos humbisni kohë nëse dikush nuk ju kupton. Keni dëshirë të shkëputeni pak nga rutina e përditshme dhe keni mundësinë ta bëni.

Luani
Synoni lart! Do ju paraqiten mundësi të mira për punën dhe karrierën tuaj, por mos u mjaftoni me një ndryshim të çfarëdoshëm, pasi është momenti të guxoni! Jeni në qendër të vëmendjes dhe nuk do kaloni pa rënë në sy.

Virgjëresha
Shumë angazhime në horizont paraqiten ditën e sotme. Mundësitë për të ndryshuar profesion dhe detyrat e reja mund të kërkojnë një sakrificë të vogël. Disa shqetësime të lehta psiko-fizike ngadalësojnë hiperaktivizmin tuaj. Qëndroni të fortë, fundjava erdhi!

Peshorja
Qetësia dhe optimizmi ju shoqërojnë gjatë gjithë ditës. Keni dëshirë për afirmim në valën e rrethanave të favorshme dhe ngjarjeve interesante. Ndjeheni mirë, jeni në formë dhe për më tepër keni shumë energji për të përfunduar projektet e shumta.

Akrepi
Falë motorit energjik që funksionon me kohë të plotë do arrini të mbyllni disa detyra që keni kohë që i keni lënë pas dore. Një rregull i pashkruar, por që vlen gjithmonë, sugjeron që është më mirë të mos ngatërroni miqësinë me biznesin.

Shigjetari
Terapia më e mirë për të larguar mendimet e errëta për ju mbetet gjithmonë udhëtimi. Nuk ka rëndësi destinacioni apo kohëzgjatja, e rëndësishme është nisja. Bëni pak pushim dhe mendoni më pak për çështjet financiare. Çdo gjë do zgjidhet, thjesht kini durim.

Bricjapi
Dita do kalojë e qetë në situatën e sigurisë ekonomike, gjë që për ju është pothuajse një gjendje ideale. Në planin e studimeve jeni të favorizuar, mund të kaloni çdo provim me rezultatet më të larta, e njëjta gjë edhe në karrierë.

Ujori
Sot jeni të hapur dhe të gatshëm, falë Hënës te Shigjetari. Keni përreth miq të sinqertë dhe në familje më në fund ju japin mbështetje të plotë. Mos u fokusoni shumë në gjërat e parëndësishme. Gjeni hapësirë për objektivat afatgjata.

Peshqit
Tregtia, biznesi dhe veprimet financiare do ecin pak ngadalë në këtë periudhë. Nëse nuk lëvizni me kujdes, do përballeni me shumë probleme. Përqendrohuni te realiteti dhe kërkoni të mblidhni informacionet që ju duhen. Racionalizoni iniciativat.