Ka një jetë në skenë, por këngëtarja Irma Libohova është shprehur se nuk do heqë kurrë dorë nga muzika, deri në momentin kur do kuptojë se nuk do jetë më e fortë fizikisht dhe vokalisht. Madje ajo ka treguar një bisedë private që ajo bënte më bashkëshortin e saj. Këngëtarja i kishte kërkuar Besnikut kur ishte gjalle  t’i jepte helmin nëse do e shikonte të çedonte dhe të bënte gjëra të degraduara.

Fatma: “Thuhet që artistët e mëdhenj kanë një lloj nuhatje dhe një lloj zgjuarsie për t’u tërhequr nga muzika. Disa e lënë karrierën kur janë në kulmin e tyre për t’u mbajtur mënd gjithmonë madhështorë tek te tjerë dhe të tjerët degradojnë. Ka nga ata që vazhdojnë deri në degradim. Irma Libohova, ti si e ke këtë pjesë kur e ke vendosur të tërhiqesh?”

Irma: “Në fakt unë kam parë artistë të tjerë modele që jam ndjerë e keqardhur kur i kam parë ashtu të mbaruar dhe nga fuqia fizike dhe nga fuqia vokale. Nuk do doja në asnjë mënyrë ta kisha mbyllur. Kur e kam pasur bashkëshortin gjallë dhe nganjëherë tallesha me Besnikun dhe i thoja shiko nëse ti e shikon që unë kam filluar të çedoj qoftë nga mendimi, nga trupi nga gjithçka dhe e shikon figurën time që ka çeduar unë do bëj një helm do ta lë gati dhe po e pe që kam çeduar ma jep atë helmin ta pi. Një ditë duke gatur duke u ngatërruar me fjalë më tha mua shiko rri urtë se ta dhashë helmin dhe iu thash me jap. Jo tha nuk ta jap ta pish ta jap të skaduar që të vuash. Shpresoj të jem e ndërgjegjshme të të mos shkoj deri në limit. Mendoj që jam e fuqishme akoma. Janë të gjitha bashkë, fuqia fizike, pamja, fuqia vokale dhe deri tani këto i kam në nivele shumë të larta. Në momentin që do kuptoj që nuk do mund të vallëzoj dot 5 minuta bashkë me dasmorë një këngë ose një valle, aty them që do ndalem”. /abcnews.al