Julka Gramo ka marrë një dhuratë nga i biri dhe këtë moment special e ka ndarë me të gjithë në profilin personal në ‘Instagram’. Djali i saj i vogël, Greg e ka surprizuar me një krijim shumë të veçantë dhe plot ngjyra. Poshtë fotos që tregon momentin, Julka ka shpjeguar edhe si e ka marrë këtë dhuratë kaq të bukur.

“Kur ti nuk e ke fare mendjen dhe i vogli thotë: ‘Mama e bëra për ty’. Dhe ti thjesht e dashuron atë që ka bërë me mendjen dhe doçkat e tij të vockla”,-shkruan moderatorja, duke treguar me krenari punimin.

Julka publikon shpesh momente me djemtë e saj, Ianin më të rritur dhe Greg që është më i vogël. Talentet e tyre tashmë i njohin të gjithë, po ashtu edhe ëmbëlsinë dhe kreativitetin që kanë. /revistawho.com