Tifozja kuq e zi Irid Oxa me bukurinë dhe sharmin e saj i bëri të gjithë të flisnin gjatë “Euro 2016” pas përhapjes së fotove nga stadiumi me mikeshën e saj, Rike Roci. Vëmendja tek dy mikeshat seksi u rikthye sërish gjatë ndeshjeve të Kampionatit Botëror, kur prezantuesja Eva Murati bëri një koment, që më pas u kthye në debat  mes saj dhe Rike Rocit. Për atë që ajo e konsideron “xhelozi femërore”, lidhjen e bukur të dashurisë me futbollistin e serisë A të Torinos, Afriyie Acquah, njohjen me lojtarët e Francës që rrëmbyen Kupën e Botës, dhe të tjera sekrete, Irid i rrëfen në këtë intervistë për gazetën “Panorama Plus”.

Ashtu si dhe mikesha jote Rike Roci u bëre pjesë e një debati pas një komenti të Eva Muratit. Si e sheh ëndvështrimin e saj për foton tuaj “hit” që bëri xhiron e botës nga stadiumi i Kampiontatit Europian, dhe a t’u duk një xhelozi femërore?
Opinioni im personal është se duke mos përfshirë askënd tjetër në këtë debat pa sens nga ana e znj. Eva Murati dëshiroj të theksoj disa aspekte: “M’u duk absolutisht një xhelozi femerore duke dashur (ndoshta) znj. Murati të ndezë reflektorët mbi veten. Por kjo ishte një taktikë e gabuar si simulimet e Neymar, pasi ndoshta nuk e kishte aq të nevojshme. Ajo foto nuk u postua nga Rike dhe unë, ashtu si e përdori znj.Murati për të folur mes këtyre gërricjeve për veten e vet. Askush nuk e tërhoqi vëmendjen nga djemtë e Kombetarës, të cilët u vlerësuan dhe këtu fjalët janë të tepërta, por përbri aftësive të tyre iu shtua një aset më tepër në lidhje me bukurinë femërore shqiptare. Nuk e shoh aspak si një defiçit për Shqipërinë, por një plus kur u kujtua dhe një herë në arenën ndërkombëtare të ishte pjesë e këtij sipari dhe pse nuk ishte pjesë e lojes. Prandaj duhet marrë me pozitivitet dhe sportivitet, gjë që moderatoret nuk e asorbojnë. Sepse ajo që unë vura re është se moderatoret ishin kukullat e këtij botërori pasi historikun dhe zhvillimin dhe evolimin nuk e njohin. Nëse të ftuarit do të ishin më ngacmues në lidhje me botërorin ato do stopoheshin shumë lehtë. Një pyetje kam unë për shembull për zonjën që autovleresohet dhe elozhohet, cilin stil loje luante Edson Arantes po Nadcimiento? (Tani e di që e ka të thjeshtë përgjigjen se do të doja t’ia bëja live).

U fol se ju do të ishit në krah të Edi Manushit në emisionin e tij në këtë Botëror, pse nuk u realizua?
Pse s’u realizua? Sepse isha më shtatlartë se Manushi.(Bëj shaka)

Ti u gëzove që Kupën e Botës e fitoi Franca, pasi dimë që ke pasur njohje me futbollistët e skuadrës?
Unë e gëzova Kupën e botës, pasi Italia nuk ishte, dhe skuadra ime e dytë ishte Franca. Normalisht dhe bëra tifozllik për disa miq të mi që luajnë me Kombëtaren franceze.

Me cilin prej futbollistëve njihesh nga afër dhe fitoi kupë ndonjë nga miqtë e tu?
Njoh disa dhe kemi kaluar dhe pushime për Krishtlindje. Midis tyre po përmend Umtiti, që dhe na nderoi me gol.

Dashuria si po të shkon, si do e përkufizoje lidhjen me futbollistin e njohur të serisë A të Torinos, Afriyie Acquah?
Aspekti sentimental shkon shumë mirë, sy mos marrtë! Dhe lidhjen e përkufizoj si një det i qetë pa dallgë në këto momente!

Pushimet i bëre tek apo çift, dhe të duket e vështirë të mbash lidhje me një futbollist?
Pushimet i nisa shpejt dhe jam akoma duke i shijuar si në çift, por dhe me shoqërinë. Çdo lidhje ka dozën e vet të vështirësisë, pasi pavarësisht nga profesioni duhet ta menaxhosh në mënyrën më të mirë. Unë përpiqem të ruaj ekuilibrin e arritur deri tani dhe kështu predominon mirëkuptimi.

Fama që more si tifoze kuq e zi të ka vënë në qendër të vëmendjes mashkullore, dhe çfarë tipash të tundojnë?
Ky më tepër është bërë një trend i momentit dhe është kalimtar si fenomen, prandaj nuk do e përceptoja si të tillë si famë. Fama është fjalë me peshë, dhe unë ua atribuoj atyre që e meritojnë dhe japin një kontribut konkret.

Çfarë bën ndryshe ti për ta konsideruar jetëm jo vetëm të bukur, por dhe të çmendur?
Jeta ime nuk është e çmendur, jeta ime është e bukur sepse uneëe mbush me momente të gezuara e me miqësi, dhe bëj gjëra që më bëjnë të ndihem mirë. Kam një moto timen: “Vivi e lascia vivere”(Jeto dhe lër të jetojnë), ndërsa për mentalitetin e shumë prej njerëzve që kanë kohë të lirë, të merren me punët e tjetrit u them: “Fate affari vostri e campate cent’anni”( Shikoni punët tuaja se rroni 100 vjet!), e mendoj se vlen në Shqipëri. Se fjalët e urta duhen rikujtuar ndonjëherë.