Ai është një ndër këngëtarët më të famshëm në Shqipëri, që me këngët e tij, por edhe me labelin e tij ‘Threedots’ po përjeton një sukses të madh. Por siç duket kjo periudhë nuk është aspak e mirë për Flor Mumajesin. Së fundmi janë publikuar disa foto ku Flori shihet i ulur në një kafe pranë një spitali. Në fotot e siguruara nga gazeta ‘Express’, ai shihet aty duke pritur dhe sipas informacioneve të tyre, Flori ka nënën e tij të shtruar në spital për shkak të problemeve me zemrën. Në këto imazhe të publikuara shfaqen madje edhe djemtë e ‘Threedots’ të cilët në këto kohë të vështira po i qëndrojnë shumë afër mikut të tyre.