Zyrtarë të lartë të administratës së Donald Trump gabimisht dyshohet se kanë zbuluar planet sekrete të sulmeve amerikane te një gazetar i lartë, të cilin e kanë futur pa dashur në grupin e tyre ku diskutonin.

Sipas Jeffrey Goldberg, kryeredaktori i The Atlantic, ai u ftua gabimisht në një grup në aplikacionin “Signal” ku po diskutonin zyrtarët e lartë amerikanë.

Grupi përfshinte 18 persona, mes tyre Sekretari i Mbrojtjes Pete Hegseth, i dërguari për Lindjen e Mesme Steve Witkoff, këshilltari për sigurinë kombëtare Michael Waltz dhe këshilltari për sigurinë kombëtare Stephen Miller.

Goldberg tha se në fillim mendoi se ishin persona të cilët hiqeshin si zyrtarët amerikanë dhe gjithçka ishte një shaka. Por ai u shokua kur pa se urdhrat e dhëna për sulme ndaj rebelëve Houthi në grupin e tyre, nisën të ndodhnin ë të vërtetë.

“Nuk do të kisha parë kurrë një shkelje si kjo”, shkroi ai në një artikull për revistën botuar të hënën.

Biseda përmbante diskutime aktive rreth operacioneve ushtarake të SHBA-së në Jemen, duke përfshirë plane të detajuara për armët, kohën dhe objektivat.

Në fillim, gazetari mendoi se ishte një shaka, por vetëm disa orë më vonë, SHBA në fakt filloi sulmet në Jemen.

Mike Waltz është këshilltari i sigurisë kombëtare i Presidentit Donald Trump. Një minutë pasi përdoruesi “Michael Waltz” dërgoi mesazhin, një përdorues i Signal i identifikuar si “MAR” shkroi, “Mike Needham për shtetin”. Sekretari i Shtetit i Trump është Marco Antonio Rubio.

Një tjetër përdorues i identifikuar si “JD Vance” pyeri se kush do të përfaqësonte “VP” dhe një minutë më vonë, dikush me inicialet “TG” shkroi, “Joe Kent për [Drejtorin e Inteligjencës Kombëtare]”. DNI i Trump është ish-Përfaqësuesi i Havait, Tulsi Gabbard.

Menjëherë pas kësaj, një përdorues i Signal i identifikuar si “Pete Hegseth”, sekretari i Mbrojtjes i Trump, shkroi se dikush me emrin Dan Caldwell do të ishte në “DoD”, duke iu referuar Pentagonit.

Disa përdorues të tjerë u përgjigjën gjithashtu me emrat e personave që do të përfaqësonin sekretarin e Thesarit, Këshillin e Sigurisë Kombëtare dhe CIA-n.

Goldberg shkroi se ai ishte thellësisht skeptik në fillim se biseda në grup ishte legjitime, sepse ai nuk mund ta kuptonte që zyrtarët e lartë të SHBA-së e sigurisë kombëtare, sekretarët e kabinetit dhe zëvendëspresidenti do të ishin aq të pamatur sa të përfshinin aksidentalisht një gazetar në zinxhirin e mesazheve.

Zyrtarët diskutuan plane specifike që po hartoheshin për të bombarduar objektivat Houthi në Jemen gjatë dy ditëve të ardhshme, duke debatuar pro dhe kundër kryerjes së sulmeve. Përdoruesi i identifikuar si Zëvendës Presidenti Vance, në veçanti, devijoi nga pozicioni i Trump për sulmet dhe tha se mendonte se administrata “po bënte një gabim”.

Rrëfimi i plotë i gazetarit amerikan: The Atlantic

voxnews.al