Bota e mundjes është në zi pas ndarjes nga jeta të Rey Mysterio Sr., një figurë ikonike në sportin e kombinuar me argëtim. Mysterio Sr., i lindur si Miguel Angel Lopez Diaz, ndërroi jetë në moshën 66-vjeçare. Lajmi u konfirmua nga familja e tij, ndërsa shkaqet e kësaj humbjeje të papritur nuk janë bërë ende të ditura.

I lindur në Meksikë, Mysterio Sr. nisi karrierën e tij në mundje në vitin 1976 dhe vazhdoi të performonte deri vitin e kaluar, duke treguar përkushtimin dhe pasionin që e karakterizonte. Pavarësisht se nuk është më fizikisht, ndikimi i tij në sport do të mbetet i pashlyeshëm.

Rey Mysterio Sr. ishte mentori dhe trajneri i shumë mundësve legjendarë, përfshirë nipin e tij Oscar Gutierrez Rubio, të njohur si Rey Mysterio Jr., një figurë ikonike në WWE. Familja Mysterio, e cila vazhdon trashëgiminë e tij në arenat ndërkombëtare, e ka kujtuar me dashuri dhe mirënjohje.

E bija e Rey Mysterio Jr., Aalyah Mysterio, ndau një homazh prekës në Instagram, duke shkruar:

“Përjetësisht mirënjohëse për ty, xhaxha. Pa ty, babai im nuk do të ishte personi apo luftëtari që është sot. Prehu në paqe, xhaxha.”

Edhe Dominik Mysterio, i njohur si “Dirty” Dominik në WWE, ndau disa postime emocionuese në rrjete sociale, duke përfshirë foto të xhaxhait të tij nga koha në ring.

 

View this post on Instagram

 

A post shared by @dominik_35

Rey Mysterio Sr. nuk ishte vetëm një mundës i talentuar, por edhe një figurë që ndikoi fuqishëm në formimin e brezave të rinj të sportistëve. Përmes trashëgimisë së tij në familje dhe sport, emri i tij do të mbetet i pavdekshëm në historinë e mundjes profesionale.

anabelmagazine