Aktorja e njohur Megan Fox është shtatzënë sërish, në pritje të fëmijës së katërt. Përmes një postimi në Instagram, aktorja zbuloi lajmin mbi shtatzëninë, duke pozuar nudo dhe e mbuluar me bojë të zezë. Ajo dukej e mrekullueshme teksa pozon me barkun e rrumbullakosur para kamerës.

“Mirë se erdhe sërish”, shkruan 38-vjeçarja, aktore e Hollivudit.

Në foton e dytë, aktorja tregonte dorën e saj duke mbajtur një test shtatzënie ku shkruhej “YES+”.

Aktorja po ashtu ka ndarë imazhet krah fëmijëve të saj, Noah, Bodhi dhe Journey, të cilët erdhën në jetë nga romanca e saj me ish-bashkëshortin Brian Austin Green. Dyshja shpalli divorcin në vitin 2020, në të njëjtin vit kur ylli amerikan filloi lidhjen me reperin Machine Gun Kelly, me emrin e vërtetë Colson Baker. Mbetet për t’u parë nëse Fox do të flasë publikisht për babain e foshnjës.

Ajo që ka tërhequr vëmendjen e rrjetit është shkrimi që Fox ka ndarë në Instagram; Në të vërtetë, asgjë nuk humb kurrë. Kjo thënie mund t’i referohet ndonjë aborti që mund të ketë kaluar më herët Fox.

Në podcastin Call Her Daddy në mars të këtij viti, Fox tha:

“Unë mendoj se ajo që kam mësuar nga kjo marrëdhënie është se nuk është për konsum publik”./M.K-dritare.net