Thashethemet për lidhjen e supozuar të Lady Rose Hanbury me Princin William janë rishfaqur ndërsa njerëzit vënë në dyshim vendndodhjen e Kate Middleton e cila u pa për herë të fundit në publik në dhjetor 2023.

Në janar 2024, Kensington Palace njoftoi se Princesha e Uellsit do t’i nënshtrohej një operacioni abdominal dhe nuk do të shihej në publik deri në Pashkë.

Megjithatë, zhdukja e saj u bë një temë e nxehtë kur në Instagramin zyrtar të Princit dhe Princeshës së Uellsit u postua një foto e edituar me fotoshop e saj me tre fëmijët e saj për nder të Ditës së Nënës, e cila u festua më 10 mars në Mbretërinë e Bashkuar.

Pasi familja mbretërore u përball me reagime për shkak të fotos së modifikuar, në emër të Kate u kërkua falje, duke pranuar se ajo qëndronte pas imazhit.

Dhe ndërsa princesha ende nuk është parë publikisht thashethemet për lidhjen e pretenduar të Princit të Uellsit me Hanbury kanë filluar të shfaqen sërish.

LONDON, UNITED KINGDOM – MARCH 29: (EMBARGOED FOR PUBLICATION IN UK NEWSPAPERS UNTIL 24 HOURS AFTER CREATE DATE AND TIME) Rose Hanbury, Marchioness of Cholmondeley attends a Service of Thanksgiving for the life of Prince Philip, Duke of Edinburgh at Westminster Abbey on March 29, 2022 in London, England. Prince Philip, Duke of Edinburgh died aged 99 on April 9, 2021. (Photo by Max Mumby/Indigo/Getty Images)

Kush është Rose Hanbury dhe cili është titulli i saj?

Rose ka lindur më 15 mars 1984 dhe është vajza e Timothy Hanbury, një dizajner faqesh interneti dhe Emma Hanbury, një stiliste. Nëna e Rose është mbesa e Elizabeth Longman, e cila kishte një marrëdhënie të ngushtë me Mbretëreshën Elizabeth II. Longman ishte madje shoqëruese e nuses në dasmën e mbretëreshës së ndjerë në vitin 1947 me Princin Philip.

Rose ka punuar më parë si modele, duke nënshkruar me agjencinë Storm kur ishte vetëm 23 vjeç. Ajo gjithashtu punoi si studiuese për politikanin konservator Michael Gove.

Cila është marrëdhënia e Rose Hanbury me Princin William dhe cilat janë akuzat?

Rose ishte mikeshë e ngushtë me Wiliam dhe Middleton, madje mori pjesë në dasmën e tyre të vitit 2011 përpara se thashethemet për lidhjen mes saj dhe princit të dilnin në 2019. ‘In Touch’ raportoi se William dyshohet se tradhtoi me Rose Middleton kur ajo ishte shtatzënë me fëmijën e tyre të tretë, Louis.

Më pas, në vitin 2022, faqja e thashethemeve ‘Deuxmoi’ postoi një informacion që pretendonte se “lidhja jashtëmartesore e një çifti mbretëror britanik është një sekret i hapur”, sipas një fotografie të ndarë nga Cosmopolitan. Megjithëse nuk zbuloi emrin në fjalë, fansat spekuluan se ai ishte trashëgimtari i ardhshëm i fronit.

Kate, Hanbury dhe Princi William u panë së bashku vetëm një herë në vitin 2016, kur familja mbretërore mori pjesë në një darkë gala bamirësie në pasurinë e Hanbury. Për disa, ndërveprimet e kapura nga fotografët e përmblodhën situatën shumë më mirë se çdo raport.

Tradhëtia e supozuar u përfol shkurtimisht edhe në librin e fundit të Omid Scobie, “Endgame”, edhe pse gazetari britanik tha se mendonte se ishte thjesht një thashethem.

Komediani Stephen Colbert gjithashtu u tall me William për thashethemet e lidhjes.

“Mbretëria është rrënuar nga zhdukja në dukje e Kate Middleton. Epo tani, inteligjentët e internetit po hamendësojnë se mungesa e Kate mund të lidhet me një lidhje të bashkëshortit të saj dhe mbretit të ardhshëm të Anglisë, William, “tha ai në një episod të marsit 2024 të “The Late Show With Stephen Colbert”.

As Rose dhe William nuk i kanë adresuar publikisht thashethemet, por avokati i mbretit të ardhshëm i tha Daily Beast në 2019 se pretendimet ishin “të rreme dhe shumë të dëmshme”.

A është e martuar Rose Hanbury? A ka ajo fëmijë?

Në qershor 2009, Rose u martua me David Cholmondeley, Markezin e 7-të të Cholmondeley, në Chelsea Town Hall në Londër – dy ditë pasi u shpall fejesa e tyre.

Që atëherë ata kanë mirëpritur tre fëmijë: djemtë binjakë Alexander Hugh George Cholmondeley, Earl of Rocksavage dhe Lord Oliver Timothy George Cholmondeley, në tetor 2009, dhe vajzën Lady Iris Marina Aline Cholmondeley në mars 2016.

Familja banon në pronën e tyre në Norfolk, Houghton Hall, e cila është jo shumë larg nga pasuria e William dhe Middleton, Anmer Hall.

Ora News