Ilary Blasi, pas filmit dokumentar në të cilin ajo tregon historinë e saj me Francesco Totti, rikthehet të flasë. Kësaj radhe në librin “Stupida” (Budallaqe) ku ajo shpjegon të vërtetën e saj: “Ajo që më lëndoi më shumë ishte ideja e përhapur se dija gjithçka, se e toleroja meqënëse isha “e zgjedhura” e kampionit”. Për Corriere della Sera ajo shpjegon: “Divorci ishte i lodhshëm, por tani do ta ftoja Francesco Tottin për darkë”.

Ilary Blasi nuk tha asgjë për njëfarë kohe, më pas vendosi të hapte zemrën me dokumentarin në fillim dhe një libër menjëherë pas. “Kisha zgjedhur rrugën e heshtjes, por në gati dy vjet kam lexuar kaq shumë gjëra për atë që po ndodhte. U tejkalua kufiri dhe ndjeva nevojën të ekspozohesha duke vendosur fytyrën mbi të, siç kam bërë gjithmonë. Unë duhej të isha ajo që do të tregoja historinë time. Sidomos pas akuzave të rënda ndaj meje”, thotë Blasi në intervistën për Corriere della Sera.

Reagimi për thashethemet për Tottin dhe Ilary, çfarë ndodhi?

Ilary Blasi nuk e duronte dot faktin që marrëdhënia e saj me Totin u përkufizua si ajo e një çifti të hapur dhe i kthen mbrapsht akuzat e atyre që thonë se po tradhtonte të shoqin: “Po, dhjetë dashnore kisha. Ose jo! E di çfarë? Tani e kam humbur llogarinë… Jo, nuk është e vërtetë, ashtu siç nuk është e vërtetë që isha në rregull me idenë e mashtrimit… Jam mësuar me thashetheme, por e gjitha kjo po ndikonte në integritetin tim si grua”.

Ilary, përgjigja ndaj atyre që e akuzojnë se luajti rolin e gruas së Tottit sepse i leverdiste

Ilary Blasi nënvizon se ajo është një grua e pavarur. Për fat të mirë. “Unë u martova me Franceskon, por i kemi pronat e ndara. Unë nuk kam asgjë të regjistruar nga ai dhe kurrë nuk kam dashur asgjë, sepse mendoj se është e drejtë: martesa nuk është trashëgimi. Unë kam qenë gjithmonë e pavarur dhe jam kritikuar edhe për këtë. Jam me fat, e privilegjuar, duhet ta pranoj, por të qenit e pavarur është ajo që më ka lejuar të përballem me gjithçka më mirë”. Nga Rolex-et ajo rithekson se ishin dhurata dhe prandaj ishin të sajat. Se vila në Eur është e Tottit por ajo nuk ka dashur që të largohet për të jetuar diku tjetër dhe t’u shkaktojë këtë traumë fëmijëve të saj.

Kur u ndanë Ilary dhe Francesco? Pas 20 vitesh dashuri, deklarata e dashurisë për Tottin

Ilary Blasi ishte shumë e dashuruar me Francesco Tottin dhe tani flet për një ndjenjë dashurie ndaj babait të fëmijëve të saj. “Ne ishim të dashuruar, ishim. Dhe këtë e panë të gjithë njerëzit më të afërt: miqtë e mi të fëmijërisë që frekuentonin shtëpinë time, motrat, prindërit e mi. Ata panë atë që panë fëmijët e mi. Askush nuk ka dyshuar ndonjëherë. Këtë histori të fundit e dinte vetëm kunati, por nuk më kishte thënë asgjë me shpresën se Francesco do të vinte në vete”, shpjegon ajo. Tashmë ka zero komunikim mes të dyve, por Ilary thotë në intervistë: “Dera është gjithmonë e hapur” dhe nuk e përjashton një darkë bashkë:

“Do të flisja për këtë e atë, ndoshta është edhe qesharake në fund të fundit, nuk e di. Duhet ta marrësh pak kështu…”. Një rikthim është i përjashtuar: “Kur diçka prishet, nuk është më si më parë. Jemi në një fazë tjetër, ato gjëra nuk kthehen më. Një marrëdhënie mund të kthehet, një lloj tjetër marrëdhënieje.” Dhe çfarë mendon prezantuesja për Noemi Bocchi, partnerja e re e ish-kapitenit të Romës? “Shpresoj që ata të jenë të lumtur. Vërtet. Të paktën do ia kishte vlejtur”.

Ilary Blasi i thotë po idesë së një dasme tjetër.

Në libër Ilary Blasi thotë gjithashtu se gjatë muajve të krizës Francesco Totti e kërkonte seksualisht: “Sa herë që flisni me çiftet në krizë, gjëja e parë që ata pushojnë së bëri është seksi. Ne të dyve nuk na ka ndodhur dhe prandaj kam qenë edhe unë e hutuar. Sigurisht që takimet ishin më sporadike, por është e vërtetë edhe që në atë kohë punoja në “Ishullin e të famshmëve”, ndaj ndodhesha në Milano dy mbrëmje në javë… pra ishte një element që më bënte të ndjehesha e qetë. “Nëse futbollisti do t’ia kishte rrëfyer tradhtinë, me siguri nuk do ta kishte falur. Por ajo nuk ka paragjykime për martesën dhe kushedi se një ditë Ilary mund të martohet sërish: “Thonë se e dyta është më e bukur”. Bastian Muller, i dashuri i saj i ri e ka marrë paralajmërimin…

Lapsi.al