Sandra Bullock festoi ditëlindjen e saj të 59-të dhe me shumë mundësi, ishte duke buzëqeshur dhe duke ngritur dolli kur i erdhi një notification në Instagram dhe ishte pikërisht një tag nga Ryan Reynolds. Ne mendojmë se Sandra hapi telefonin, shkoi në Instagram dhe mbeti gojëhapur kur pa këtë video.

 

View this post on Instagram

 

A post shared by Ryan Reynolds (@vancityreynolds)

“Gëzuar ditëlindjen të paimitueshmes dhe mahnitëses Sandra Bullock!”, shkroi ai, duke shtuar me shaka se këtë vit ka marrë rroba, me rastin e ditëlindjes së saj.

Komentuesit u bënë nostalgjikë, pasi aktori 46-vjeçar zgjodhi ta urojë kolegen dhe miken e tij me skenën e shkëputur nga komedia romantike “The Proposal” (2009). Në këtë skenë, në mënyrë aksidentale, Sandra dhe Ryan, të dy lakuriq, përplasen me njëri-tjetrin dhe bien në dysheme.

Filmi flet për historinë komike dhe romantike të një shefeje intimiduese dhe “mbytëse” që detyron asistentin e saj të ri të martohet me të, që të vijojë të ketë vizën amerikane dhe të mos rikthehet në Kanada.

Anabelmagazine