Flamur Shehu është një ndër kompozitorët më të njohur të muzikës dhe këngës shqiptare. Krijimtaria e tij shumë e pasur, e larmishme, e mbushur me emocione, gjithmonë ka depërtuar thellë në zemrat e publikut shqiptar. Përgjatë dekadave kompozitori i ka dhuruar publikut rreth 500 këngë, të cilat kanë hyrë në fondin e artë të muzikës dhe kanë mbetur në kujtesën e publikut, këngë që janë përcjellë nga vargjet e shumë poetëve dhe janë kënduar nga zërat këngëtarëve më të njohur shqiptarë. Ai është fitues i çmimeve të para dhe të dyta në festivale, kompozitori mban titullin “Mjeshtër i Madh” për kontribut të shquar në fushën e muzikës e këngës së lehtë shqiptare dhe studimin e folklorit.

Së fundmi do të vijë një koncert-recital, me këngët e kompozitorit Flamur Shehu. “Një jetë nga jeta ime”, për 60 vite mbi pentagram. Koncerti do të mbahet në “Teatrin e Operas dhe Baletit” më 1 maj.

Drejtues artistik i koncertit do të jetë Lambert Jorganxhi.

Skenari dhe moderimi nga Silvana Braçe.

Formacioni artistik:

Piano-Lambert Jorganxhi

Kitarë akustike-Ervin Telo

Kitarë elektrike-Besmir Shani

Keyboard-Igli Rapaj

Violinë-Ergi Papadhimitri

Trombë-Reinald Foci

Kitarë bas-Ergys Turku

Bateri-Theo Napoloni

Me pjesëmarrjen e artistëve të mirënjohur: Irma Libohova, Myfarete Laze, Luan Zhegu, Bashkim Alibali, Manjola Nallbani, Ermira Babaliu, Evi Reçi, Era Rusi, Festina Mezini, Eldis Arrnjeti, Jasmina Dervishi.

Mos harroni, më 1 maj në orën 20.00 në TKOB.