Verën e kaluar, kur Manchester City njoftoi akordin me Borussia Dortmund, telenovela e Erling Haaland përfundoi pothuajse para se të fillonte. Dihej ekzistenca e klauzolës së lirimit, duke filluar nga vera e vitit 2022. Ndaj më shumë ishte çështja se ku do të përfundonte norvegjezi, sesa nëse do të largohej nga klubi verdhezi. Në fund, Pep Guardiola e siguroi dhe nisi një sulm tjetër drejt Champions me një… cyborg më shumë në sulmin e tij. E Haaland po shkatërron të gjitha statistikat e Premier League, që në sezonin e tij të parë në Angli.

Por në realitet, lufta e parave për Haaland nuk kishte përfunduar ende. E sqaron TheAthletic, që theksoi se nëse fanella e re e futbollistit ishte përcaktuar mirë, tani është pak më e qartë se cilat këpucë do të mbajë norvegjezi në të ardhmen me fanellën e City. Në fakt, Haaland kishte një kontratë me Nike me vlerë një milion euro në sezon, e cila përfundoi kohë më parë. Ai me vetëdije i la të hapura të gjitha opsionet për të ardhmen, me sigurinë se kompanitë e mëdha do të bënin dokumente false për ta pasur si imazh. Një rrezik, nëse mund të përcaktohet si i tillë, i llogaritur shumë mirë, duke marrë parasysh se si përfunduan gjërat.

RINOVIMI MILIONER

Me një rinovim me kompaninë amerikane, për një shifër shumë të rëndësishme. Gazeta britanike tregon për një marrëveshje të re që do t’i sjellë qendërsulmuesit të Manchester City 23 milionë euro në sezon. Me pak fjalë, një trajtim prej lojtari të madh për të. Shifra që shkojnë përtej edhe atyre që perceptohen nga Cristiano Ronaldo, Mbappè (Nike) dhe Messi (Adidas). Norvegjezi është i dyti vetëm pas Neymar, me kontratën prej 25 milionë euro me Puma. Pra, në fund, luftën mes kompanive e fitoi Nike. Por sigurisht fituesi i vërtetë është Haaland. Ai do të fitojë njëzet herë më shumë me materialin teknik se më parë. Nëse i shtojmë edhe rrogën 50 milionëshe (përfshirë bonuset) që merr nga City, duhet thënë se norvegjezi ka bërë bingo…

Lapsi.al