Javët e fundit është folur shumë për Fedez dhe Chiara Ferragni. A janë akoma bashkë? A ekziston njw krizw mes çiftit? Pse nuk postojnë më shumë përmbajtje së bashku? Ata janë kujdesur t’u përgjigjen të gjitha thashethemeve dhe shqetësimit të fansave. Dhe këtë e kanë bërë në Instagram, më saktë në profilin e sipërmarrëses, me një foto në të cilën janë kapur për dore.

Një heshtje që bëri shumë zhurmë. Festivali i Sanremos dhe ajo që ndodhi dhe jashtë skenës së Ariston, shumëve iu duk se ishin një udhëkryq që ishte i vështirë për t’u kapërcyer. Qetësia e sheshtë e të dyve në rrjetet sociale sigurisht nuk bëri gjë tjetër veçse shtoi pasigurinë dhe thashethemet e vazhdueshme, duke favorizuar spekulimet e pakontrolluara. Ajo u angazhua në Javën e Modës në Milano, ai mes përgjigjeve të guximshme ndaj disa gazetarëve dhe lansimit të podcast-it të ri “Wolf”. Realiteti është se Chiara dhe Fedez janë bashkë. Edhe në ditën e të dashuruarve, ata u panë sërish në ditët në vijim, por ende kishte dyshime.

Nuk e kanë humbur nga sytë njëri-tjetrin, nuk janë ndarë, mund të kenë debatuar, por janë aty dorë për dore për të kaluar edhe stuhitë. Nga ana tjetër, edhe ata janë çift, edhe ata përjetojnë situatat dhe vështirësitë e një lidhjeje, por me veçantinë se duhet të pësojnë njëkohësisht sulmet e medias. Përgjigja e Ferragnez-it është në një foto, duke iu drejtuar indirekt atyre që kanë folur vazhdimisht në orët e fundit dhe në javët e fundit, madje edhe me shije të keqe vetëm për t’i dhënë frymë gojës. Sepse dashuria është diçka për t’u kujdesur, edhe për ata që janë të famshëm dhe kanë miliona ndjekës në rrjetet sociale.