Bazuar në shfaqjen holandeze të vitit 1997 me të njëjtin emër, “Big Brother” u shfaq premierë në SHBA në vitin 2000 dhe ekskluziviteti pushtoi botën dhe rrjedhimisht, edhe Shqipërinë. Kush do ta kishte menduar se koncepti i “Big Brother” që ju shikon nga “1984” i George Orwell do të bëhej baza e një reality show televiziv? Merrni një grup individësh, largojini nga shoqëria dhe lërini kamerat të rrotullohen rreth tyre. Cila është më e keqja që mund të ndodhë?

Disonanca konjitive

Dikush mund të argumentojë se jeta reale nuk do t’i vinte ata në situata të tilla, por ky është “efekti i rastit”. Për të mbajtur vendin e tyre në shtëpi, garuesit mund të bëjnë gjëra që ndoshta nuk do t’i bënin në jetën reale. Megjithatë, ata nuk po luajnë një personazh, por po luajnë “veten e tyre” dhe shpesh, anët që zgjedhin të tregojnë janë të ulëta dhe të shëmtuara.

Disonanca konjitive është një konflikt mendor që ndodh kur besimet tuaja nuk përputhen me veprimet. Është një gjendje e pakëndshme mendore kur dikush ka vlera, qëndrime ose këndvështrime kontradiktore për të njëjtën gjë.

Ndërprerjet e personalitetit disociues

Se kush janë këta garues ndërsa konkurrojnë për vëmendje para kamerave mund të jetë shumë ndryshe nga kush janë në shtëpi me të dashurit e tyre të vërtetë. Disa kritikë pohojnë se shfaqja thjesht “nxjerr” se cilët janë ata në të vërtetë në këtë situata të vështira, por të tjerë thonë se programi thjesht krijon një “kamp përqendrimi” – si një mjedis për t’i thyer këta personazhe të etur për vëmendje, (më shumë) famë, fitore etj.

Pasi ata të kenë marrë rolin që fituan në shtëpi, si mund të kthehen në të qenit vetvetja e tyre autentike?

Shkëputja (dissociation) është një ndërprerje në mënyrën se si mendja juaj trajton informacionin. Ju mund të ndiheni të shkëputur nga mendimet, ndjenjat, kujtimet dhe mjedisi. Mund të ndikojë në ndjenjën tuaj të identitetit dhe perceptimin tuaj për kohën.

Intimiteti i rremë

Njerëzit normalë e njohin dikë për një kohë të caktuar përpara se të shtrihen në shtrat me të. Personazhet aty, të shtrirë në shtrat e të vëzhguar vazhdimisht nga kamera, mund të bëjnë shumë gjëra për të cilat mund të pendohen më vonë.

“Marrëdhëniet” dhe “miqësitë” tingëllojnë kaq të rreme dhe të ngujuarit e disa të huajve në shtrat së bashku, ku ne kalojmë momentet tona më intime në jetën reale, është një recetë për trauma emocionale dhe një ndjenjë të rreme sigurie.

Rregullat e turmës

Jo vetëm që ka ngacmime dhe ofendime brenda shtëpisë, por mediat sociale bëhen të egra duke ndarë çdo garues sikur konkurrenti të luante një rol në një film.

Po, të gjithë përsonazhet kanë psikologë, por për shumë prej tyre jeta nuk do të jetë kurrë më e njëjta.

Pasi të kemi marrë dozën tonë të argëtimit nga këta të rinj, ne kemi mbaruar punë me ta, por gjërat e shëmtuara që kemi thënë e shkruar për ta – do të mbeten aty gjithmonë. Fatkeqësisht, përgjithmonë do të mbeten dhe gjërat e shëmtuara që ata bëjnë brenda shtëpisë.

Anabelmagazine