Pak vite më parë lidhja e Butrint Imerit dhe Kiara Titos ishte më e komentuara e showbizit shqiptar.

E gjitha nisi nga një puthje që moderatorja i dhuroi në intervistën e tyre të parë për tu konsoliduar në një lidhje dy vjeçare. Asokohe, asnjëri prej tyre nuk e pranoi romancën ndonëse u fotografuan shpesh bashkë.

Ditën e sotme Kiara ka folur në “Big Brother VIP” për Butrintin duke thënë se ishte njeriu i duhur në kohën e gabuar.

“Lidhja ka zgjatur dy vite. Është goxha kohë, por kemi qenë shumë të vegjël. 20 vjeç të dy, moshatarë. Ishte njeriu i duhur por në kohën e gabuar”.

“Pse nuk e provoni tani që jeni më të rritur?” e pyeti Amosi, të cilit Kiara iu përgjigj:

“Nuk e di ka kaluar shumë kohë. Jo nuk ndjej më gjë. Nuk ka rikthime.”