Adele mund të jetë familjare me klasifikimet, notat e larta, muzikën e mirë, çmimet dhe rekordet, por kjo nuk do të thotë se i njeh mirë filtrat e bukurisë, sidomos ato të TikTok-ut.

Ndërkohë që një fanse po xhironte veten dhe Adele, admiruesja e këngëtares përdori një filtër dhe Adele thjesht u shokua!

“Ç’i bëre fytyrës sime! Uau! Ma hiq atë filtër nga fytyra!”, tha Adele. “Pse po përdor filtra të tillë. Nuk dukesh kështu, e dashur”, shtoi këngëtarja britanike.

Cila ishte përgjigjja e tiktoker-es, (e quajtur Jamy)? Vetëm lot dhe jo nga e qeshura…

Adele mendoi se ndoshta e teproi pak dhe i dha një përqafim dhe i tha fjalinë e ëmbël: “Oh, Jamy, mos qaj!”.

Tiktoker-ja e postoi videon dhe shkroi: “Thjesht Adele e cila thjesht erdhi tek unë dhe më bëri të vendos në pikëpyetje të gjithë ekzistencën time”.

Pra, po ju ra rasti të takoni Adele, mos përdorni filtra!

Anabelmagazine