Themeluesi i Tesla dhe SpaceX, Elon Musk, njeriu më i pasur në botë, thuhet se ka ftuar dhjetëra miliarderë dhe të famshëm për një festë të veçantë të Halloween në Kështjellën Bran në Rumani.

E njohur gjithashtu si Kalaja e Drakulës, Kalaja Bran ndodhet afër Brasovit, në zemër të Rumanisë. Elon Musk ka rezervuar të gjithë kështjellën për këtë festë ekskluzive, ku ftoi, ndër të tjera, mikun e tij dhe bashkëthemeluesin e PayPal Peter Thiel, dhe bashkëthemeluesit e Google Sergei Brin dhe Larry Page.

Sipas mediave të huaja Angelina Jolie, do t’i bashkohet gjithashtu festës, për të cilën miliarderi thuhet se ka punësuar një regjisor për të krijuar një përvojë unike të Drakulës.Të ftuarit thuhet se erdhën me avionë privatë në Bukuresht dhe u dërguan në Bran me helikopter.