Aktorja Zamira Kita e nisi ëmbël telefonatën e saj në “Aldo Morning Show” në Tv Klan,me një këngë të bukur korçare. Kita iu bashkua temës së programit për të dhënë mendimin e saj mbi arsyen pse fëmijët janë më të prirur për të kërkuar gjithnjë nënën dhe jo babain. Argumentin e saj, aktorja e mbështet mbi përvojën personale me vajzën.

Zamira Kita: Unë jam një natyrë shumë e afruar, shumë e mirëkuptueshme, i pranoj gabimet dhe fajet e vajzës, ajo mund t’i thojë pa frikë me mua. Me të atin ka më shumë rezerva sepse ai është shumë i ashpër në kërkesat që ka, është shumë kërkues, nuk do që vajza të bëjë shumë gjëra nga ato që ajo bën, kështu që ajo e ka më të lehtë të flasë me mua edhe për problemet që atë e mërzisin, edhe për gabimet që ajo bën dhe pasojat më mbrapa që ka nevojë t’i ndajë me dikë, kurse me të atin e ka të pamundur të flasë. Kjo ndodh jo vetëm me fëmijën tim, me vajzën time, por me të gjithë fëmijët në përgjithësi.

Aktorja shton se pavarësisht butësisë, ka momentet kur e nxjerr në pah autoritetin e saj, edhe pse në marrëdhënien me vajzën është prindi më i butë. Por për sa i përket pjesës së fundit, kujton një rast kur rolet janë ndërruar dhe ajo është bërë më e fortë se bashkëshorti.

Zamira Kita: Vajza është e lidhur me mua që e vogël, shumë e vogël. Për shkak të problemeve shëndetësore që ajo ka pasur që e vogël, unë kam qenë shumë më pranë saj sepse çdo familje ka ato arsyet e veta që ndërtohet marrëdhënia prind-fëmijë me nënën apo me babain.

Aldo: Kjo ndodh sepse e ke shprehur dhimbsurinë, ndërsa babai është natyrë që e ndien njëlloj, por nuk e shpreh.

Zamira Kita: Nuk do të thotë që… për shembull kur vajza ime ka pasur një problem shumë të rëndë shëndetësor, unë kam qenë shumë pranë saj dhe më e fortë. Në momentin kur na është dhënë jo i mirë, babai ka qarë, domethënë lotët kanë dalë prej tij dhe e ka lëshuar veten totalisht, ndërkohë që unë isha bërë në atë moment e fortë, unë s’jam aspak e fortë.

Aldo: Pavarësisht hallit, janë momente nga më të bukurat që shenjojnë jetën.

Zamira Kita: Sado që janë baballarët ashtu, tipikë për çdo gjë dhe duket sikur s’i kuptojnë fëmijët dhe nuk i tolerojnë, ata nganjëherë shumë më të dhimbsur, kanë një dashuri shumë më të fortë, kanë brenda vetes një dashuri shumë më vrastare për fëmjën./tvklan.al