Nuk ka asgjë të keqe të mos bësh seks, thekson Janet Brito, një terapiste e certifikuar e seksit dhe themeluese e Qendrës për Shëndetin Seksual dhe Riprodhues. Brito, e cila është përmendur në shumë artikuj nëpër media si Huffington Post, Thrive dhe Healthline, thotë se “nëse jeni plotësisht i painteresuar për seksin, nuk keni pse ta bëni!”

“Asgjë nuk do të “prishet” ose “plaket” vetëm sepse nuk po bëni seks. Më e rëndësishmja, të qenit thjesht dhe plotësisht i painteresuar për aktivitetin seksual është një zgjedhje që duhet të respektohet.”

Çfarë do të thotë nëse nuk dëshiron kurrë të bësh seks?

Sipas hulumtimeve të psikologjisë për adoleshentët, një vetëdije për interesin dhe dëshirën seksuale mund të zhvillohet gjatë pubertetit, por kjo nuk ndodh për të gjithë. Për disa njerëz, interesi për seks thjesht nuk zhvillohet kurrë. Në një botë “hiperseksuale”, njerëzit që janë aseksualë mund të besojnë se kanë “të meta”. Sidoqoftë, aseksualiteti nuk konsiderohet si mosfunksionim seksual. Hulumtimi mbi aftësinë e trupit për t’iu përgjigjur stimujve seksualë zbuloi se nuk kishte dallime fiziologjike midis aftësive të grave heteroseksuale ose aseksuale. Më e rëndësishmja, ka shumëllojshmëri në seksualitet. Të gjithë janë ndryshe. Të tjerë kanë zgjedhur të mos bëjnë seks për shumë arsye (celibacy).

Nëse keni humbur interesin dhe ndaloni të bëni seks

Mund të nënkuptojë një kohë rinovimi. Një kohë për të zbuluar botën dhe për t’u argëtuar në mënyra të reja. Ose një periudhë e të qenit i sinqertë me veten. Nëse në një moment keni ndjerë dëshirë seksuale dhe keni bërë përpjekje për të përmbushur nevojat seksuale dhe tani keni humbur interesin, kjo është krejtësisht në rregull. Ju nuk keni gjithmonë nevojë të dini pse interesat kanë ndryshuar.

Të mos duash të bësh seks nuk është një gjë e keqe, përveçse nëse e besoni se është diçka e keqe dhe fillon të ndikojë në shëndetin mendor ose fizik.

Nëse vërtet jeni të interesuar ta kuptoni, atëherë qëndroni të hapur, kurioz dhe mos gjykoni veten. Nëse ndiheni keq që keni humbur interesin ndaj seksit, punoni për të kuptuar se çfarë ju shkaktoi humbjen e interesit. Është shumë e rëndësishme që të jesh i sinqertë me veten për atë që do të thotë të jesh aktiv seksualisht – ose nëse duhet të jesh. Mos bini në presion nga të tjerët, por gjeni kohë për të njohur veten, për të kuptuar nevojat tuaja dhe si t’i komunikoni ato tek të tjerët.

Revista Psikologjia