Lewis Hamilton lëshon mesazhe enigmatike në Instagram, duke iu përgjigjur zërave që janë përhapur ditët e fundit në lidhje me tërheqjen e tij nga garat e Formula 1 në fund të sezonit, duke pasur parasysh vështirësitë e Mercedesit. Shtatë herë kampioni i botës në F1 ka dashur të heshtë këto hipoteza me një postim të fortë, si një paralajmërim edhe për Verstappen: “Në punë për kryeveprën time, jam unë ai që vendos kur do të përfundojë”. Anglezi ka synimin e qartë të luftojë sërish, në radhë të parë për të mundur shokun e tij të skuderisë George Russell.

 

View this post on Instagram

 

A post shared by Lewis Hamilton (@lewishamilton)

Hamilton është në vështirësi të dukshme pas këtyre katër garave të para të Kampionatit Botëror dhe Toto Wolff në fund të Imola GP kërkoi falje përmes radios për “makinën e pa drejtueshme”. Anglezi, megjithatë, mbetet optimist: “Disa njerëz më shikojnë dhe thonë se nuk kam drejtuar kurrë një makinë të keqe. Por mund t’ju siguroj se e kam bërë. Makina e McLaren e vitit 2009 është deri tani makina më e keqe që kam pasur ndonjëherë në karrierën time”. Për “Mbretin e Zi” ekziston një dëshirë e madhe për t’u rikthyer në majën e klasifikimit, aty ku është mësuar të qendrojë shumë shpesh në dekadën e fundit: “W13 është një makinë që ka shumë potencial, ashtu si McLaren në 2009. Atë vit ne e përmirësuam makinën dhe mundëm të ktheheshim në krye. Unë kam besim se skuadra ime do të jetë në gjendje ta bëjë përsëri edhe këtë herë”.