Iliri Shaqiri është fituesi i sezonit të parë të Big Brother Vip në Shqipëri. Prej asaj dite, ai është shumë aktiv në media dhe rrjete sociale, por edhe në intervista të ndryshme.

I ftuar së fundmi në “A Show”, ndër shumë pyetje ishte edhe nëse do merrte pjesë në “Grande Fratello VIP” pasi fitoi Big Brother Vip në Shqipëri.

“Grande Fratello nuk e kam ndjekur shumë. Njoh shumë artistë që kanë qenë pjesë e tij. Unë sot isha duke folur për të marrë pjesë. Nuk është një ide që më çmend nga gëzimi sepse atë që doja e arrita.

Të bashkëjetosh katër muaj me bashkëkombasit e tu dhe ta bësh këtë gjë me njerëz që nuk janë shqiptarë janë dinamika të ndryshme”, tha Iliri.

Ai tani po jeton mes Shqipërisë dhe Italisë, së fundmi është i angazhuar këtu në një projekt televiziv në lidhje me baletin që pritet të nisë së shpejti në Digitalb. Për momentin po bëhen audicionet, ndërsa detaje të tjera nuk janë publikuar ende.

Gjithashtu, Iliri edhe kur ishte brenda në BBV, por edhe tani që ka dalë, e ka përsëritur disa herë dëshirën e madhe për të hapur një shkollë baleti në Shqipëri.