Divorci nuk është kurrë i lehtë, por ai bëhet edhe më i vështirë kur shoqërohet me mosmarrëveshje dhe problematika të tjera. I tillë duket se është edhe divorci i Channing Tatum dhe Jenna Dewan.

Beteja po nxehet dhe pika më e madhe e mosmarrëveshjes lidhet rreth kujdestarisë së vajzës së tyre, Everly. Ata duket se nuk mund të gjejnë gjuhën e përbashkët dhe akuza po hidhen nga njëra anë në tjetrën.

TMZ raporton se Jenna ishte “e habitur dhe shumë e mërzitur kur Channing paraqiti dokumente ligjore të martën duke i kërkuar një gjyqtari të hartonte një skedulim të kujdestarisë për pushime”.

Ana e historisë e Channing është se ajo kishte rënë dakord për disa, por jo të gjitha pikat e renditura në plan, dhe ai kërkoi ndihmën e një gjyqtari për ta korrigjuar këtë.

Pika tjetër e konfuzionit qëndron te fondet në dispozicion për bashkëprindërimin e vajzës së tyre. Detajet e mbështetjes së fëmijëve duken të paqarta mes të dyve, pasi Jenna pretendon se Channing nuk po kontribuon financiarisht në kujdesin e vajzës së tij.

Qëndrimi i Channing për këtë është krejtësisht i ndryshëm. Ai i referohet një llogarie të përbashkët me atë që TMZ i quan “fondet e komunitetit” që synohen të përdoren për nevojat e vajzës së tyre.

Edhe grindjet e vogla e më të thjeshta po bëhen pika të mëdha mosmarrëveshjeje. Marrëveshja mes Channing dhe Jenna-s është që kur njëri prind ka Everly, tjetri lejohet ta kontaktojë në Facetime çdo ditë.

Jenna thotë se Channing nuk po i përmbahet këtij kushti, ndërsa ai e mohon këtë.

Ish-çifti ka qenë i martuar nga 2009 deri në 2019-ën.