Para pak ditësh reperi i mirënjohur shqiptar, MC Kresha u bë baba për herë të dytë. Ai dhe bashkëshortja e tij, Erzina kanë mirëpritur në jetë një djalë të cilit i kanë vendosur emrin Din.

I vogli ka ardhur në jetë në Kanada, ku reperi u zhvendos para mëse 1 viti. Pas disa muajsh Kresha dhe Erzina me vajzën, Iza, dhe djalin, Din, do rikthehen në Kosovë ku do vijojnë jetën e tyre në Prishtinë e ky vendim ka ardhur pikërisht prej karrierës dhe angazhimeve profesionale të të dyve.

Mirëpo, për momentin ndodhet në shtetin kanadez. Erzina dhe Dini janë larguar nga spitali dhe këtë të shtunë janë pritur shumë ngrohtë në shtëpi. Të afërmit e tyre kanë publikuar në rrjetet sociale fotot nga festa ku në njërën prej tyre shihet edhe i vogli, Dini. Ambienti është zbukuruar me tullumbace të shumta ku mes të tjerash shkruhet: “Vogëlueshi Din”.

Kujtojmë se Mc Kresha dhe partnerja e tij janë edhe prindër të një vajzë me emrin Iza. Reperi i dha fund beqarisë më 15 dhjetor 2019.