Ndoshta nuk e keni parë dokumentarin e ri të Netflix por sigurisht që së shpejti do ta bëni ose do të dëgjoni për të…

Po flasim për The Tinder Swindler… Pikërisht ai personazh, ai protagonist i këtij dokumentari, personi real dhe jo aktori, ndodhet në Tiranë, “për punë”, siç do ta përshkruajë…

Mashtruesi në fjalë është Shimon Yehuda Hayut, një djalë izraelit i cili, për t’i anashkaluar vikti mat e tij, zotëron identitete të ndryshme, dhe ajo e treguar nga dokumentari i Netflix është Simon Leviev, djali që nuk ekziston i Lev Leviev, një sipërmarrës izraelit i njohur si “mbreti i diamanteve”.

Modeli ishte gjithmonë i njëjtë: takimi me një vajzë në Tinder, ftimi i saj për një takim të parë në një hotel luksoz ose propozimi i një takimi të parë shumë spektakolar: një nga vikti mat bleu një biletë nga Stokholmi në Amsterdam vetëm për t’u njohur me njëri-tjetrin.

Më pas vjen një fazë e miqësisë së ngushtë dhe shfaqjes së një jete të pasur.Avionë privatë, veshje luksi, restorante të shtrenjta, madje edhe truproja dhe një ish-grua me një vajzë.

Një inskenim i përsosur i jetës me pesë yje të një miliarderi i krijuar për të bindur vajzat për mirëqenien e tij ekonomike.

Arsyetimi me të cilin ai kërkon të dhënat e kartës së kreditit, ose shuma të mëdha parash që viktimat marrin me kredi bankare shumë të shtrenjta, është se ato janë të pamundura për t’u përdorur për shkak të gjurmueshmërisë së pagesave, gjë që do ta bënte atë objektiv të thjeshtë për tu gjetur.

Duke lëvizur vazhdimisht nga një vend në tjetrin dhe nga një kontinent në tjetrin dhe duke përdorur karta krediti që nuk ishin të tij Simon / Shimon ishte praktikisht i pagjurmueshëm dhe i vështirë për t’u ndjekur me mjetet e policisë lokale.

Pika e kthesës vjen kur Cecilie Schrøder Fjellhøy, e mashtruar për 250 000 dollarë, duke dashur të parandalojë që të tjerët të përfundojnë në të njëjtën situatë si ajo, i jep VG të gjithë historinë e bisedave që ajo kishte me atë që ajo besonte se ishte Simon Leviev.

Falë përkushtimit të kësaj revisra, e cila verifikon dhe gjurmon viktimat e tjera, mes tyre edhe vetë Simonin, policia më në fund arrin ta vërë në pranga.Ndodh në Greqi, ku Simon/Shimoni mbërriti me një pasaportë false, e vetmja akuzë ndaj tij.

Çështja gjyqësore dhe editoriale

Epilogu lë një shije të keqe në gojë sepse në fund ka pak drejtësi për vajzat që janë mashtruar nga ai ne Tinder, pasi Simon nuk do të akuzohet për mashtrim ndaj tyre dhe nuk do t’i dëmshpërblejë, por drita e vërtetë e shpresës në këtë doc jep historinë gazetareske.

Reportazhi i realizuar nga VG është një perlë e vogël editoriale: në botën e gazetarisë, veçanërisht në internet, ekipi i gazetës ka përfunduar një punë titanike.

Jo vetëm nga pikëpamja e vetë investigimit, por edhe e rrëfimit.Dokumentari në internet, e cila në Norvegji ka regjistruar shifra rekord shikimesh, është bërë në atë mënyrë që rindërtimi i fakteve të jetë vizual dhe i shkruar, i kompletuar me një histori të mesazheve dhe videove në ëhatsapp që personazhet e përfshirë kanë shkëmbyer…

Historia është aq surreale dhe e rindërtuar mirë, sa që Simon/Shimon nuk mund të joshë më gratë në Tinder, derisa të përfundojë në duart e producentëve të Netflix, të cilët kanë rindërtuar ngjarjen..